Njïï na na ayo jeki kungu ꞌba bïkëndï ꞌba firi ro̱ firi ye na, ye da maa ada̱ ne na amyi ji ye kpilacu nabi amohitu hi firi ꞌbaa riya. Je maa äkëndï ndïkä muta ꞌba bingo firi, ana da maa akpi je ro̱ bida̱ firi gbana bingo firi, ngbo ka jekee do ndüü na ꞌbaa, anika da maa agbo hi ne dökörïkötü ka ne mayi na loki firi ngongo. Njïï na na ji ye na ka Böngö, ye da ango ndüü Böngö nabi ngo ne.
Ye firi na ꞌba ndüü Böngö ka kötü kötü uje nya ne do gilo ka loki do tängbü Njïï na. Kaana ï da roꞌbu alewu ye firi na di ngo ne na riya, ndeeꞌba alewoo dido tängbü njïï na.
Ndïhï he ꞌba na̱ bihi rökïnyï gbana jeki kehe ꞌba bïkëndï rohe na̱ bingo ndüü Böngö gbana bida̱ ne.
